محكمة و قضية

القاضي: تفضل

هاذي الحبيبه ... فعايلها غريبه
دوم تهجرني ... تبتعد عني
وبكل غرور تقول: وش تبي مني
ياهي خيبت ظني
المصيبه كانت تكلمني ... وتقول أحبك
والحين ماكنها تعرفني
يـ قاضي احكم بيننا ...أبغى العدل منك
إن كان حصل مني خطأ ... وإلا قليل العطا
بحكمك أنا كلي رضا

القاضي: عندك شهود

شهودي: قلبي وعيني وروحي

القاضي: يستدعى الشاهد الأول

أنا قلب هذا الأسير
اشهد مايقوله صحيح ... أنا من حبه طريح
تعبت من كثر شوقه
من غروبه لي شروقه
انزف الدم ... اشيل الهم
ابتلى في حبها ... وابتليت معاه
صادق في وفاه

القاضي: يستدعى الشاهد الثاني

أنا عين هذا الأسير
اشهد مايقوله صحيح ... شوف دمعي يطيح
فـ الليل يحرم علي النوم
ذبحني بالسهر واللوم
يقول ولهان ... لأغلى إنسان
أسهرني معاه
يحتري من نساه

القاضي: يستدعى الشاهد الثالث

أنا روح هذا الأسير
اشهد مايقوله صحيح ... وقفت في وجه الريح
اتنفس آلم وانوح
آه يامقسى الجروح
طعني بـ آهاته ... يبين لي غلاته
أنادي وأصيح معاه
عسى يتحقق مناه

القاضي: بعد الاستماع للشهود
ماتعليق المحامي للدفاع عن المتهمه

المحامي: يـ قاضي عندي بعض الأسئلة
هو بالغصب تحبه؟
وإلا تسكن بقلبه؟
وإلا تسلكه دربه؟
العلاقه بينهم ... مجرد صداقة

القاضي: ماتعليق المشتكي على كلام المحامي

يـ قاضي يعني الحب ... صار لعبه
بعد ماكان أحلى شعور
ماعاد فيه طعم السرور
وكلمة أحبك ... أصبحت كذبه
نطقها نفاق وزور
هي ليه تقولها ... وماهي قدها
تبغى مصلحه ... وإلا قلبي تبي تجرحه
تمثل دور المغرمه في مسرحه

القاضي: تستأنف الجلسة بعد الاجتماع

القاضي: حكمت المحكمة حضورياً
على المتهمه بالسجن المؤبد
في القفص الصدري للـ أسير
مع مبادلة بنفس الشعور

صرخت ( ظهر الحق ظهر الحق )
حبيبتي ... كسبت القضية
أمس ... لـ حبي كنتي أميره
واليوم صرتي أسيره