لمن يهمه الامـــــر

ليش نزلتي عيونج أرفعيها وطالعيني
وإلا يعني إنحرجتي يوم جاوبتي سؤالي

ليش قلتيلي أحبك ليش كنتي تخدعيني
ليش قلتي لي حبيبي ليش قلتي غالي

كان ممكن مااحبج كان ممكن تتركيني
كان ممكن من البداية تخدعي غيري بدالي

ليش أنا بالذات يعني ليش قولي وجاوبيني
بعد غدرج خبريني وقولي بس شو اللي بقالي

والله غني ما جرحتج ليش أنتي تجرحيني
هنت على قلب حسافه وانقضت اجمل ليالي

القهر إني أحبج ةأدري أنج ماتبيني
والمحبه من طرف واحد نهايتها زوالي

كان عمري في ايدينج قولي وش كان بإيديني
أذكر أنه من غلاتج كان قدرج فوق عالي

كنت أتجاهل وأطنش يوم نغزاتج تجيني
وكنت أقول ثلاث أشياء وأروح أمشي في حالي

أولاً فعلا أحبج وكنتي في قلبي وعيني
وكانت الدنيا بوجودج شي روعه شي خيالي

ثانياً عللي بدر مني دخيلج سامحيني
يمكن أنه زل لسانس وقلت أنج راس مالي

ثالثاً أسألج بالله وأطلبج لا تذكريني
أحرقي كل قصايد وانسي أشواقي وصالي

المهم إني أبا أبعد وأنتي روحي وأتركيني
أرجعي له ومثلي دور البريئه اللي تبالي

في النهايه قبل لا أنسى بقولج كلمتيني
كان هذا اللي تحبينه تراه ........... ولد خالي